Thursday, December 5, 2019

कांदा महाग झाल्याचे कारण हा महागाई नाही तर हा निर्सगाचा प्रकोप-साऱ्या भारताला स्वस्त कांदा महाराष्ट्र महिन्याभरात देणार -किशोर तिवारी

कांदा महाग झाल्याचे कारण हा महागाई नाही तर हा निर्सगाचा प्रकोप-साऱ्या भारताला स्वस्त कांदा महाराष्ट्र महिन्याभरात देणार -किशोर तिवारी 
दिनांक -६ डिसेंबर २०१९

कांद्याचा नापिकीमुळे झालेल्या तुटीमुळे वाढलेल्या किमतींचा राजकीय पक्षांनी सुरु केलेली ओरड कांदा उत्पादक शेतकऱ्यांना आयातीत कांद्यामुळे प्रचंड आर्थिक संकटात आणू शकते व एक  ही राष्ट्रीय विपदा मद्यम वर्गीय ग्राहकांवर आली असुन अनेक गरीबांचे बळी पडतील देश आर्थिक संकटात येणार असा समज पसरू नका फक्त महीना दीड महिन्यात लासलगाव नाशीकचा  कांदा भारताचा बाजारात येणार हे निश्चित असुन सध्याची प्रचंड दार वाढ साठेबाज करीत असुन शहरातील जनतेनी आपली  ओरड कमी करून सहकार्य करावे कारण  भारत सरकारने स्वस्त भावाचा कांदा पाकीस्थान मधुन मोठ्या प्रमाणात आणला तर जानेवारी नंतर कांदा उत्पादक शेतकऱ्यांना आपला कांदा व्यापाऱ्यांना मोतीमोल भावात विकून आत्महत्या कराव्या लागतील तरी आपल्या  कांडा भाववाढ याला राष्ट्रोय संकटाचे स्वरूप न देता  शेतकऱ्यांना सहकार्य करावे असे आव्हान शेतकरी चळवळीचे कार्यकर्ते किशोर तिवारी यांनी केले आहे 
आपल्या निवेदनात कांद्याचे संकट हे दिवाळी दरम्यान झालेल्या अकाली पाऊसामुळे असुन यामध्ये महाराष्ट्राच्या शेतकऱ्यांचे सुमारे ४० हजार कोटींचे उभे पीक नष्ट झाले आहे व याचा भारत सरकारच्या चुकीच्या आर्थिक धोरणाचा संबंध नसुन महाराष्ट्राच्या शेतकऱ्यांना आपल्या फक्त १० टक्के उरलेल्या कांद्याला थोडा भाव मिळत असल्यामुळे ग्राहक संघटना सहकार्य करीत आहेत फक्त मूठभर  माध्यमांनी साऱ्या मध्यम वर्गीयांचा ठेका घेत सतत कांदा हा विषय लावून धरला आहे ही ओरड करणाऱ्यांनी  जैन बांधवांचा सल्ला घ्यावा कारण युगाणयुगे ते कांदा लसूण शिवाय जगतायेत अनेक समाजात चार चार महीने कांदा न खाता सहज जगतात व त्यांचे विकारही कमी होतात आता सर्वच धर्मीय शेतकऱ्यासाठी आम्हीही कांद्याशिवाय वा कमी कांद्याने    जगू शकतो न दाखून दिले आहे कारण आजकाल एका  कुटुंबाला महिन्यात  जास्तीत जास्त ५  किलो कांदा लागतो  आणि बजेट ६०  रुपये कांदा या भावाने केले असेल तर कांदा फक्त ३ किलो खरेदी करा वाढलेलं बजेट सौदर्य प्रसाधन सिनेमा हॉटेल  आणि इतर  खर्च करून शेतकऱ्यांच्या पाठीशी उभे रहा फक्त हे दोन महिन्यासाठी आहे पुढे रब्बी चा कांदा आला की कांद्याचे भाव जेमतेम २० रुपये  होतील असा विश्वास किशोर तिवारी यांनी व्यक्त केला आहे . 
जेव्हा कांदा २० रुपये किलोच्या खाली होतो तेव्हा शेतकरी सतत तोट्यात असतो  कांही तोटा आज  कमी होतोय तर ही  ओरड करण्याचे मोठे निमित्त दिसत नाही  कारण शेती ही चॅरिटी नाही सतत तोट्यात असलेला व्यवसाय आहे  हे मान्य करावयाला पाहीजे  सद्याची भाववाढ ही निर्सगाचा प्रकोपामुळे केवळ मागणी आणि पुरवठा यामध्ये दोन महिन्याकरिता झाली आहे हे लक्षात घेण्याची गरज असल्याचे किशोर तिवारी म्हटले आहे   कांदा ही  जीवनाव्यशक वस्तू आहे आहे   हा यावर खुली चर्चा करण्याचे आवाहन किशोर तिवारी यांनी केले आहे . 
कांदा झाला नाहीतर   गरिबांचे  काय होईल याची चिंता करणाऱ्या सरकारने कांद्यावर सरळ १०० टक्के अनुदान द्यावे कारण  आपलं बजेट सांभाळून चटणी भाकरी खाऊन आनंदी  असतात त्यामुळे विवेकशील  ग्राहकांनी मूठभर लोकांनी प्रसिद्धीसाठी सुरु केलेल्या कांगावा नजरअंदाज करावा  अशी विनंती शेतकरी चळवळीचे कार्यकर्ते किशोर तिवारी यांनी केली आहे . 
================================================

Wednesday, November 6, 2019

परतीच्या पाऊसाचा कहर सुरूच -८० लाख हेक्टरमधील पिकांचे नुकसान -किशोर तिवारी यांचा ७ नोव्हेंबरचा यवतमाळ जिल्हा दौरा

 परतीच्या पाऊसाचा कहर सुरूच -८० लाख हेक्टरमधील पिकांचे नुकसान -किशोर तिवारी यांचा ७ नोव्हेंबरचा यवतमाळ जिल्हा दौरा 
दिनांक - ६ नोव्हेंबर  २०१९ 

दररोज पडत असलेल्या परतीच्या वादळी पाऊसाचा कहर दररोज नवीन नवीन क्षेत्रात पसरत असुन आता खरीपासोबत रबीचे क्षेत्र नापिकीच्या व नुकसानीच्या पट्टयात आले असुन आता संपुर्ण महाराष्ट्राचे -८० लाख हेक्टरमधील ३० हजार कोटीचे पिकांचे नुकसान झाले असुन यापुर्वी ऐन दिवाळीत प्रचंड वादळी पाऊसाने कहर केला असुन अख्ख्या महाराष्ट्रात अंदाजे कमीतकमी ६०  लाख हेक्टरमधील  सोयाबीन धान कापुस व तुरीचे सह भाजीपाला व फळ बागायतीचे प्रचंड नुकसान झाले होते मात्र महसुल खात्याचे माजलेले अधिकारी व कर्मचारी त्यामध्येच अधिकारी व कर्मचारीच नसलेल्या कृषी विभागाच्या झळामुळे शेतकरी वैतागले असुन सारे आमदार मंत्रिपदासाठी एकदिवसाचा धावता दौरा करून व आपले फोटो सोशल व प्रिंट मीडियामध्ये प्रसिद्ध करून आपले शेतकरी प्रेम दाखवून मोकळे झाले आहेत त्यातच आजही विमा कंपनीचे अधिकारी व पंचनामे होत नसल्याच्या तक्रारींचा पाऊस पडत असल्यामुळे शेतकरी नेते व शिवसेना प्रमुखांचे कृषी सल्लागार किशोर तिवारी यांनी केळापूर व घाटंजी तालुक्यात शेतकऱ्यांच्या अडचणी व कोणीही नुकसानभरपाई पासुन वंचित राहणार नाही यासाठी वगारा टाकली, मंगी सगदा सावंगी गणेरी रामपूर भिमकुंड ( तालुका घाटंजी ) तसेच केळापूर तालुक्यातील कारेगाव बंडल  येथे घुबडी हिवरी कोदोरी चन्नाका खैरी अर्ली परिसरातील शेतकऱ्यांना ७ नोव्हेंबरला भेटणार  आहेत . 

महाराष्ट्र सरकारने १० हजार कोटीची तातडीची मदत देऊन तसेच मुख्यमंत्री देवेंद्र फडणवीस व शिवसेना प्रमुख उद्धव ठाकरेसह सर्व खासदार व आमदारांनी नासीडीच्या शेतात जाऊन  शेतकऱ्यांचे अश्रु पुसण्याचा  प्रयन्त केल्याबद्दल शेतकरी नेते व शिवसेना प्रमुखांचे कृषी सल्लागार किशोर तिवारी यांनी आभार मानले आहेत असुन यावर्षी दिवाळीच्या एकदिवसा पूर्वीपर्यंत  आठवाड्याभरापासून महाराष्ट्रात अवकाळी परतीच्या  दमदार पाऊस सुरू झाला होता   ऐन दिवाळीमध्येही पावसाने विदर्भ  आणि मराठवाड्यतील जिल्ह्यातील अनेक गावांना झोडपून काढले. शुक्रवारी (२५ ऑक्टोबर) सकाळी साडेआठ वाजेपर्यंत या विभागातील ८० टक्के   महसुली मंडळांमध्ये अतिवृष्टीची नोंद झाली होती मात्र मागून आलेल्या  पावसानंतर मराठवाड  पाठोपाठ आता विदर्भातील अनेक  जिल्ह्याने पावसाची वार्षिक सरासरीपेक्षा दिंडी ओलांडली आहे.या अवकाळी पावसाने केलेल्या प्रचंड नुकसानीमुळे शेतकरी हवालदिल झाला आहे दररोज होत असलेल्या पाऊसाने तसेच १५ दिवसांपासून ओला झालेला  सोयाबीन धान कापुस व तुरीचे सह भाजीपाला व फळ बागायतीतील माल पंचनाम्याची वाट पाहून थकलेल्या शेतकऱ्यांनी कोंब निघत असल्यामुळे महसुल व कृषी विभाग हतबल असुन आता मुख्यमंत्र्यांनी आपल्या ग्रामीण नुकसानग्रस्त क्षेत्रातील पन्ना प्रमुख ,बुथ प्रमुख ,शक्ती प्रमुख ,विधानसभा क्षेत्र विस्तारक ह्या कंत्राटी फौजेसह वॉर रुममधील पगारी नियंत्रक सर्वे टीमचे खोटे रीपोर्ट देणारे कर्मचारी ,निकामी पगारी प्रवक्ते यांना कमी लाऊन ज्या ग्रामीण महाराष्ट्राने भाजप तेल लावलेले उमेद्वाराना आमदार केले व सत्तेचा वाट दाखविली त्याना वाचविण्यासाठी २४ तासात फोटो-पंचनामे करण्याचे आदेश द्यावे  असे आवाहन शेतकरी नेते व शिवसेना प्रमुखांचे कृषी सल्लागार किशोर तिवारी यांनी केले आहे .
==================================================================

Wednesday, May 22, 2019

नवीन भाजपप्रणीत सरकार व भाजपमध्ये सत्ताकेंद्रे विभागाण्याबाबत सर संघचालक मा.श्री.डॉ.मोहन भागवत यांना निवेदन तजी

संदर्भ -२०१९/निवडणुक निकाल /२६                                              दिनांक -२३ मे २०१९                                                     
प्रति ,


पुज्यनीय सर संघचालक 
मा.श्री.डॉ.मोहन भागवतजी  
महाल ,नागपुर 








संदर्भ -लोकसभा निवडणुका २०१९ चे निकाल . 
विषय -नवीन भाजपप्रणीत सरकार व भाजपमध्ये सत्ताकेंद्रे विभागाण्याबाबत .  
आदरणीय महोदय ,
सादर प्रणाम ,
मी विदर्भातील यवतमाळ जिल्ह्यातील आदीवासी भागातील सामाजिक कार्यकर्ता आहे व  मागील डिसेंबरमधे कांहीं राज्यातील निवडणुकीच्या निकालानंतर बोध घेवून भाजपचे नेतृत्व नितीन गडकरी यांना द्यावे अशी विनंती मी संघश्रेष्ठीना केली होती. त्यावेळी  नितीन गडकरी यांना भरपुर मानसीक त्रास झाला व होत आहे,ते हाडाचे कार्यकर्ते आहेत. त्यांना पदाची लालसा नाही, हे सत्य आता भारताला कळले आहे मात्र पुन्हा एकदा हा मुद्दा आपणासमोर सविनय चर्चेला ठेवत आहे कारण आज राष्ट्रीय स्तरावर भाजपमध्ये मा. अटलबिहारी वाजपेयी गेल्यानंतर एक सर्वांना सोबत घेऊन चालण्याची क्षमता असलेला समावेशक नेता भाजपने दिला नाही अशी गंभीर चर्चा होत आहे ,कारण आज राजकीय,सामाजिक,औदयोगिक, शिक्षण व धार्मिक क्षेत्रात विचारवंत परिस्थितीच्या दुराव्याने चिंतीत आहेत. ही विचारधारा संघ परिवारातही चर्चेत आहेत. मात्र अटलबिहारी वाजपेयी  यांच्या कार्यकाळात ही कटुता दिसत नव्हती, यावर संघाने गंभीरपणे विचार करण्याची गरज असल्यामुळे जनतेमध्ये काम करणारे व जनतेमधुन निवडणुक जिंकणारे नेते महत्वाच्या पदावर बसविण्याची गरज निर्माण झाली आहे. 
मोदी सरकारमध्ये  आर्थिक राजकीय , सामाजिक , औदयोगिक ,शिक्षण, ऊर्जा, व्यापार ,वाणिज्य ,विदेश संबंध  व धार्मिक क्षेत्रात धोरणात्मक निर्णय घेणारी चमू मागील दारेने  येणारी असल्यामुळे व जनतेमध्ये हिशोब देण्यासाठी जाणे गरजेचे नसल्यामुळे त्यांच्या कार्यपद्धतीवर प्रश्न निर्माण होत होते संघ परीवारातील  व भाजपच्या तळागाळाच्या  कार्यकर्त्यांना वाऱ्यावर सोडल्याच्या तक्रारी वारंवार येत होत्या  अशावेळी भाजपप्रणीत सरकार व भाजपमध्ये सत्ताकेंद्रे विभागणे ही काळाची गरज आहे,कारण व्यक्ती ही राष्ट्रापेक्षा व संघटनेपेक्षा मोठा होऊ शकत नाही. यावर यावेळी हा विचार  झालाच पाहीजे ही विनंती करण्यासाठी आपणास पात्र देत आहे . भाजपला आजच्या दैदित्यामान स्तरावर आणणाऱ्या कार्यकर्त्यांना यावेळी आपणच  न्याय देऊ शकतात, असे मला वाटते कारण ज्या भाजप नेत्यांनी  यांच्या अहोरात्र मेहनतीने देशात रस्ते व जल वाहतूक क्षेत्रात झालेल्या क्रांतिकारक विकासा च्या कामाची खुद काँग्रेस नेत्या सोनियाजी गांधी व लोकसभेतील नेते मल्लिकार्जुन खरगे यांनी मुक्त कंठाने तारीफ केली, अशा समावेशक- विकास पुरुष लोकनेत्याला धर्म व जातीच्या बंधनात  अडकविण्याचा सुरु असलेला  प्रयन्त, राष्ट्रीय राजकीय अस्थितेला आमंत्रण देणारा असल्याचे मला वाटते कारण देशात  सर्व समावेशक राजकारणाची सुरुवात संघ परिवाराने करावी ही काळाची गरज आहे.
आपला नम्र 
किशोर तिवारी, 
अध्यक्ष, 
विदर्भ जनआंदोलन समिती
९४२२१०८८४६

Sunday, March 3, 2019

हिंस्त्रवन्य प्राण्यांच्या संचार व दहशतीमुळे शेतकरी / शेतमजूर यांचे होणारे उपजिविका नुकसानीकरीता अर्थसहाय्य निश्चित करण्यासाठी महाराष्ट्र सरकार द्वारे एक उच्चाधिकार अभ्यास समिती गठित : महाराष्ट्र सरकारचे फार चांगले सकारात्मक पाऊल : किशोर तिवा


हिंस्त्रवन्य प्राण्यांच्या संचार व दहशतीमुळे शेतकरी / शेतमजूर यांचे होणारे उपजिविका नुकसानीकरीता अर्थसहाय्य निश्चित करण्यासाठी महाराष्ट्र सरकार द्वारे एक उच्चाधिकार अभ्यास समिती गठित : महाराष्ट्र सरकारचे फार चांगले सकारात्मक पाऊल : किशोर तिवारी
दिनांक ३ मार्च २०१९

हिंस्त्रवन्य प्राण्यांच्या संचार व दहशतीमुळे शेतकरी / शेतमजूर यांचे होणारे उपजिविकेच्या नुकसानीकरीता अर्थसहाय्य निश्चित करण्यासाठी महाराष्ट्र सरकारने एक उच्चाधिकार अभ्यास समिती गठित केली असून वन्यप्राण्यांच्या शेती व नागरी क्षेत्रातील प्रचंड हैदोसाने होणाऱ्या अतोनात नुकसानीचे आकलन करण्यासाठी एक प्रभावी कायदा त्वरित अमलात आणावा , ही महाराष्ट्र शासनाच्या शेतकरी स्वावलंबन मिशनचे अध्यक्ष किशोर तिवारी यांनी केलेली मागणी राज्याचे मुख्यमंत्री देवेंद्र फडणवीस व वन मंत्री सुधीरभाऊ मुनगंटीवार यांनी मान्य केली आहे. 
या संबंधीचा शासन आदेश नुकताच काढण्यात आला असून राज्याच्या वन्य जीव संरक्षण चेअतिरिक्त प्रधान मुख्य वन संरक्षक सुनिल लिमये या समितीचे अध्यक्ष तर महाराष्ट्र जलसंपत्ती नियमन प्राधिकरण चे विधी सदस्य तथा ज्येष्ठ विधितद्यं एड. विनोद तिवारी या समितीचे समन्वयक सदस्य असून नामवंत विधी तज्ञ एड. फिरदौस मिर्झा (नागपूर/यवतमाळ), एड. सुहास तुळजापूरकर (औरंगाबाद), सौ. मुग्धा रोहन चांदूरकर ( उच्च न्यायालय नागपूर), एड. इंतियाज खैरडी (सोलापूरकर), एड. नीतेश भूतेकर पाटील (वाशिम) व शेतकरी आंदोलक मोहन किसन जाधव (यवतमाळ) यांचे सह माजी प्रधान मुख्य वनसंरक्षक तस्निम अहमद , मुख्य वन संरक्षक रविकिरण गोवेकर हे या समितीचे सदस्य आहेत. मुख्य वन संरक्षक अमित कळसकर हे या उच्चाधिकार समिती चे सदस्य सचिव आहेत. 

यवतमाळ जिल्ह्यातील टी-१ अवनी वाघिणीच्या हल्ल्यात पांढरकवडा वनविभागांतर्गत १३ निष्पाप शेतकरी व आदिवासींचे बळी गेलेत. हे बळी घेणा-या वाघिणीला सर्वोच्च न्यायालयाने दिलेल्या आदेशनुसार गोळी घालून ठार करण्यात आले. मात्र त्यावर देशभर मोठे वादळ उठले आहे. या पार्श्वभूमीवर किशोर तिवारी यांनी ही मागणी केली होती.
नागरी क्षेत्रात व जंगलाशेजारील शेतीमध्ये वन्यप्राण्यांनी घातलेल्या हैदोसाने व दहशतीने  महाराष्ट्रातीलच नव्हे तर संपूर्ण देशातील शेतकरी, ग्रामीण जनता त्रस्त आहे. त्यांचे कोट्यवधींचे  नुकसान व जीवितहानी होत आहे. त्याची भरपाई देण्यासाठी स्वतंत्र कायदा देशात अस्तित्वात नाही. म्हणूनच त्वरित एक सक्षम कायदा करावा, शेती व नागरी नुकसानीचे व दहशतीने झालेले अप्रत्यक्ष नुकसानाचे आकलन करण्यासाठी स्वतंत्र संवैधानिक आयोग स्थापन करावा, अशी महत्त्वपूर्ण सूचना वजा मागणी किशोर तिवारी यांनी सातत्याने केली होती. 

एकी कडे वन्यप्राण्यांच्या प्रेमापोटी व प्राणी संवर्धन संस्थांच्या दबावाखाली सरकार हिंस श्र्वपदांच्या बंदोबस्तासाठी कोणतीही उपाययोजना करू शकत नाही. प्राण्यांची शिकार व हत्या होऊ नये, हे जितके महत्त्वपूर्ण आहे, त्या पेक्षाही जास्त शेतकरी व ग्रामीण जनतेचा माल व जीवन सुरक्षित करणे व उपजीविका अबाधित राखणे आवश्यक आहे. ग्रामीण जनता व शेतकरी हतबल झाले असून विदर्भ, मराठवाड्यातील शेतकरी आत्महत्यांच्या सत्रामागे हे सुद्धा एक प्रमुख कारण पुढे आले आहे. मात्र त्याची शासनाने या पूर्वी दखल घेतली नसल्याने तिवारी यांनी या संबंधात मागणी रेटली होती. ती राज्य सरकारने मान्य करून नवीन कायदा व नुकसान भरपाई चे मूल्यमापन या साठी अभ्यास समिती स्थापन करून सकारात्मक पुढाकार घेणारे महाराष्ट्र आपल्या देशातील पहिले राज्य ठरले आहे.
हिंस्त्रवन्य प्राण्यांच्या संचार व दहशतीमुळे शेतकरी / शेतमजूर यांचे होणारे उपजिविकेचे नुकसानीकरीता अर्थसहाय्य निश्चित करण्यासाठी महाराष्ट्र सरकारने फार चांगले पाऊल उचलले आहे, अशी प्रतिक्रीया किशोर तिवारी यांनी व्यक्त केली आहे.
==========================================

Thursday, February 28, 2019

ठाणेदार अनिलसिंग गौतम यांची बदली हा दोन नंबरच्या मस्तवालांचा जनतेच्या अस्मीतेवर झालेला विजय -किशोर तिवारी

ठाणेदार अनिलसिंग गौतम यांची बदली हा दोन नंबरच्या मस्तवालांचा जनतेच्या अस्मीतेवर झालेला विजय -किशोर तिवारी    
दिनांक -२८ फेबू. २०१९
मंत्रीपदा हुद्दा सरकारने दिलेल्या चळवळीच्या नेत्याने लोकप्रतिनिधींच्या आशीर्वादाने चालू असलेला वरळी मटका जुगार भ्र्ष्ट पोलीस यंत्रणेसमोर व्हिडीओ शूटींग करून समाजाच्या वेशीवर टांगल्यानंतर सडलेली व कुचलेली व्यवस्था झोपेतुन जगल्याचे सोंग करते व लोकलाजेस्तव मस्तवाल ठाणेदाराची तात्काळ बदली करून  अनिलसिंग गौतम सारख्या कर्तव्यवेड्या जिंदादिल माणसाची ठाणेदार म्हणून पांढरकवड्यात बदली करण्यात येते व एका रात्रीतुन सारे अवैद्य धंदे बंद होतात अख्ख्या जिल्ह्यात या घटनेचे प्रतिसाद उमटतात सगळीकडे  शहरातीलच नव्हे तर संपूर्ण तालुक्यात खेडयापाडयात दारू मटका गुटखा जवळपास बंद होतो यामुळे तालुक्यातील अवैध धंदे, दारू मटका गुटखा जुगार यावरील प्रतिदिन जवळपास दीड  कोटी  रुपये जनतेचे वाचणे सुरु होते ,विनाकारण जलणारा पेट्रोल डिझेल वरील खर्च कमी झाला, पूर्ण तालुक्यातील जनता रात्री १० वाजता घरी कुटूंबासोबत शांततेने राहतात ,शेतकरी शेतमजूर त्यांचे कुटुंब महिला मूले आनंदी व सुखी होतात म्हणूनच सर्व दोननंबरचे धंदे करणाऱ्या  लोकांच्या पोटदुखीतून ठाणेदार गौतम यांच्या विरोधात आरोप कटकारस्थान करण्यात येते व फक्त ३८ दिवसात समाजाच्या सुखाकरीता तालुक्यात कायदा व सुव्यवस्थेचे राज्य पुनर्स्थापीत करणाऱ्या ठाणेदार अनिलसिंग गौतम यांच्या उचलबांगडी म्हणजे दोन नंबरच्या मस्तवालांचा राजकीय दिवाळखोरीला लागलेला नेत्यांच्या मदतीने सामान्य वंचीत उपेक्षित जनतेच्या अस्मितेवर विजय असल्याची जळजळीत प्रतिक्रिया कै वसंतराव नाईक शेतकरी मिशनचे अध्यक्ष किशोर तिवारी यांनी व्यक्त केली आहे . 
आपणास ही बदली निवडणूक आयोगाच्या सुधारीत सूचनांचा पालन करण्यास करण्यात आल्याचे सुरुवातीला सांगण्यात आहे मात्र यावर आपण निवडणूक आयोगाच्या अधिकाऱ्यांना ठाणेदार गौतम यांच्या अभूतपूर्व कार्यशैलीची व पांढरकवडा परीसरात ३० दिवसात केलेल्या सुधारणेची माहीती दिल्यावर हा निवडणूक आयोगाच्या सूचनांचा पोटभरू अधिकाऱ्यांनी राजकीय दडपणाखाली झाल्याचे सांगण्यात आले त्यातच आपण मागील चार दिवसापासून तालुक्यात दौरे करीत असतांना मला प्रत्येक गावात दोनच दिवसात बंद झालेला दारू मटका गुटखा सुरु झाल्याची ओरड व तक्रारी करीत असुन दोन नंबरवाल्याची दलाली करणाऱ्या नेत्यांना शिव्या देण्यात येत असल्यामुळे आपले फिरणे कठीण झाले असल्याची खंत किशोर तिवारी यांनी व्यक्त केली असुन आता जनतेनी मशाली घेऊन या सर्व दोन नंबरचे धंदे करणारे त्यांच्या मदतीने राजकारण करणारे  ढोंगी नेते यांना बदलल्याशिवाय परिस्थिती सुधारणार नाही असा इशाराही किशोर तिवारी यांनी यावेळी दिला . 
मागील काही दिवसापासून संपूर्ण जिल्ह्यात  अनिलसिंग गौतम यांना कोणत्याही परिस्थितीमधे आई पी एल क्रिकेट पूर्वी व निवडणुकीच्या जुगारापूर्वी याला कंट्रोल रूम ठेवा यासाठी डी आई जी पासुन सर्व भाडखाऊ नेत्यांना मोठी रक्कम देण्यात आल्याची चर्चा सुरु होती त्यातच पोलीस स्टेशन विक्रीचा सोहळा नुकताच पार पाडण्यात आल्याची माहीती पोलीस स्टेशन विकत घेण्यात कमी पडलेल्या पोलीस अधिकाऱ्याने आपणास दिली असल्याची माहीती किशोर तिवारी यांनी दिली असुन आपण हा सर्व प्रकार पंतप्रधान नरेंद्र मोदींना सादर करणार असून यासर्व नेत्यांची हकालपट्टी करा वा आम्हचा रामराम घ्या अशी निर्वाणीची विनंती करणार असल्याची माहीती किशोर तिवारी यांनी यावेळी दिली . 
===============================================================================================================

Wednesday, February 27, 2019

Pradhan Mantri Kisan Samman Nidhi (PM-Kisan) scheme :Restrict it to Sustainable Agriculture : Kishor Tiwari

Pradhan Mantri Kisan Samman Nidhi (PM-Kisan) scheme :Restrict it to Sustainable Agriculture : Kishor Tiwari 
Dated -28th February 2019
After Prime Minister Narendra Modi launched the ambitious Pradhan Mantri Kisan Samman Nidhi (PM-Kisan) scheme,giving direct cash subsidy of Rs.6000 per year transferring the first installment of ₹2,000 each to  all the farmers whose land holding is less than 2 hector has come for larger criticism from the farm activist of Maharashtra who is heading special task force to-tackle the agrarian crisis of farm suicides capital of India advocating the demand of restricting this (PM-Kisan) scheme to rain fed drought hit  dying farmers instead of  all farmers who are consuming lot of water for farming and farmers taking cash crop by using chemical fertilizers as the facility of cash grant will not serve any purpose of addressing agrarian crisis of region , said Chairman of late Vasantrao Naik Sheti Swavalamban Mission (VNSSM), Kishor Tiwari. today.
A press release issued by Tiwari here on Thursday has mentioned that 70 per cent environmental pollution across the world has been a result of using chemical fertilizers and pesticides in agriculture. In the name of green revolution,a handful of industrialists have been selling chemical insecticides and fertilizers by adding toxin to each drop of water.The rampant use of chemical fertilizers and insecticides has resulted in degradation of environment and biodiversity hence to protect the environment and ecosystem it is must to stop this disaster . 
For the first time, in its interim budget, Government in cen­tre has declared Rs 6,000 as annul grant to farmers having two acres of agriculture land. Farmers having irrigation facilities and cultivating sugarcane , grapes, BT cotton by using chemicals have alleged that the grant amount was very less. These farmers should not given the grant as it is too less to assist the huge cost of their cultivation instead , Government should give the grant to the farmers cultivating crops by using traditional and sustainable methods,Tiwari said in a released.
Kishor Tiwari is working for farmers in suicide prone region of Vidarbha since last 30 years. The companies manufacturing chemical fertilizers and insecticides have inspired farmers to use chemicals and excessive water for farming.This has resulted in rise in carbon-dioxide and pollution. The developed countries have given the name climate change to this pollution. They have deprived farmers from organic farming and traditional methods. 
Tiwari is fighting with the Government to make soil rejuvenation  and  make soil-water free from chemicals.Unfortunately, Government has continued giving grant to those farmers using excessive water and chemicals for farming. 
Tiwari demanded that the real need of the time is to give the grant for farmers using traditional sustainable methods and using organic farming for the farmers really working for environmental protection by using organic farming methods, a release said.
===================================================================

Wednesday, February 6, 2019

ज्या खेड्यातून आंदोलनाची सुरवात केली त्या माळपठाराच्या पारध येथे किशोर तिवारी करणार ८ फेबु.ला मुक्काम


ज्या खेड्यातून आंदोलनाची सुरवात केली त्या माळपठाराच्या पारध येथे   किशोर तिवारी करणार ८ फेबु.ला मुक्काम 
दिनांक - ७ फेबु  २०१९
२५ वर्षांपूर्वी ज्या पुसद तालुक्यातील माळपठाराच्या कै वसंतराव नाईकांच्या जन्मस्थानाच्या लगतच्या  पारध प्रकल्पग्रस्तांसाठी साठी पुसदच्या उपविभागीय अधिकाऱ्याला  बदडा आंदोलन करून संपूर्ण  पारधवासीयांसोबत तुरंगवासाची दोन महीने हवा घेतल्यांनंतर आता पुन्हा एकदा त्याच पारधमध्ये यावेळी मात्र आंदोलक म्हणून नाहीतर   कै वसंतराव नाईकांच्याचे नाव अख्ख्या जगात गाजवीत महाराष्ट्र सरकारच्या मंत्रीपदाचा अधिकार घेऊन येत्या ८ फेबु. रात्री मुक्कामाला जात असुन  सारे    पारधवासी तयारीला लागले असुन किशोर तिवारी यांच्या सोबत सर्व विभागाचे अधिकारीसुद्धा जात असून  सध्या यवतमाळ जिल्ह्यात ग्रामीण भागाच्या विकासासाठी शासनाच्या वतीने महाराष्ट्र ग्राम सामाजिक परिवर्तन अभियान राबवण्यात येत आहे. या अंतर्गत यवतमाळ जिल्ह्यात ३६ गावांत हे अभियान सुरू असून ग्राम विकासासाठी आता अधिकारी गावागावात मुक्काम करून नागरिकांशी संवाद साधत आहे. या अभिनव उपक्रमामुळे गावाच्या विकासाला चालना मिळत आहे. 

किशोर तिवारी यांच्यासोबत या भागातील लोकनेते आमदार मनोहरजी नाईक व निलयजी नाईक सर्व लोकप्रतिनिधी ,सर्व पक्षांचे व सामाजिक संस्थांचे नेते यावेळी उपस्थित राहणार आहेत  तरी ८ फेबु.ला संध्याकाळी ७ वाजता पारध येथे  आयोजित सरकार आपल्या दारी कार्यक्रमात सहभागी होण्याचे आवाहन आयोजक मौजे पारध    येतील  नागरिक  जनार्धन महाराज  सरपंच उषा वसंत चव्हाण  उपसरपंच दयाराम जाणू  राठोड  व सदस्य प्रल्हाद चव्हाण शांताबाई राठोड  अनिता राठोड संदीप राठोड अनिता बोंम्बले उशाबाई  घेणेकर सत्यपाल राठोड सुलोचना  सहारे   इंगोले  पोलीस पाटील  विमा शंकर  राठोड  तंटामुक्ती  अध्यक्ष नारायण राठोड   नागरिक संजय हरणे   रमेश गावंडे मोहन चव्हाण रामधन जाधव मनोज  घेणेकर किशन गावंडे व इतर सर्व गावकऱ्यांनी केली आहे . 
यावर्षी नववर्षाच्या सुरुवातीलाच जिल्हाधिकारी डॉ. राजेश देशमुख यांनी पुसद तालुक्यातील रोहदा येथे मुक्काम करून नागरिकांशी संवाद साधला होता. आतापर्यंत जवळपास २० अधिकाऱ्यांनी वेगवेगळ्या गावात मुक्काम केला असुन यातून गावातील नागरिकांच्या समस्या सोडवण्यात यश येत आहे ,गावात मुक्काम केल्याने गावातील नागरिकांच्या समस्या ऐकून घेण्यासाठी आणि त्यावर उपाययोजना करण्यासाठी अधिकाऱ्यांना बराच वेळ मिळतो या जिल्हाधिकारी डॉ. राजेश देशमुख यांच्या अनुभवाचा आदर्श घेऊन  कै वसंतराव नाईक शेतकरी मिशनचे अध्यक्ष किशोर तिवारी यांनी प्रकल्पग्रस्त पुसद  तालुक्यातील पारध या दुर्गम खेड्यात करण्याचा निर्णय घेतला आहे . 
किशोर तिवारी संध्याकाळी ६ वाजता पारध  येथे आरोग्य विभागाच्या प्रेरणा प्रकल्पाअंतर्गत परीसरातील गावातील सर्व शेतकरी शेतमजूर व  युवक सोबतच मुलांशी सामाजिक विषयांवर सल्लामसलत करतील व रात्री मुक्काम करतील  . ९ फेबु .ला सकाळी ७ ते ९ वाजता प्रत्येक घरात भेट देतील व संवाद साधणार आहेत . या संवाद कार्यक्रमात  परीसरातील गावातील सर्व शेतकरी शेतमजूर व  युवक सोबतच मुलांना निरोप व आणण्याची जबाबदारी प्रशासन, आरोग्य विभाग, महीला व बालकल्याण विभाग सोबतच पोलिसांची देण्यात आली आहे यावेळी परीसरातील अवैध धंदे व बेकायदेशीर दारू विक्री ,पोलिसांच्या मदतीने सुरु असलेले वरळी मटका ,चेंगळ कोंबडा बाजार यांच्या व्हिडीओसह तक्रारी सादर कराव्यात अशी विनंती किशोर तिवारी यांनी केली आहे . 
जिल्हाधिकारी डॉ. राजेश देशमुख यांनी पुसद तालुक्यातील रोहदा येथे मुक्काम केल्यांनतर लोणी गावात बीडीओ समाधान वाघ यांनी मुक्काम केला. त्यानंतर कळंब तालुक्यात गणेशवाडी गावात एसडीओ संदीप अपार, नांझा येथे बीडीओ सुशील संसारे, सहायक बीडीओ पद्माकर मडावी, बेल्लोरीत तहसीलदार सुनील पाटील, नेरमधील चिकणी डोमगा येथे तहसीलदार अमोल पवार, पाथरड गोळे येथे बीडीओ युवराज मेहत्रे हे मुक्कामी होते. उमरखेडमधील चिंचोलीत तहसीलदार भगवान कांबळे व डिप्टी सीईओ मनोहर नाल्हे, करंजीत बीडीओ जयश्री वाघमारे, यवतमाळ तालुक्यातील मुरझडी चिंच येथे शिक्षणाधिकारी सुचिता पाटेकर, चौधरा गावात जि. प.चे खेरडे व ढोले, घोडखिंडी गावात बीडीओ अमित राठोड, पुसद तालुक्यातील शेलू (खु.) येथे तहसीलदार गरकल व अन्य अधिकाऱ्यांनी मुक्काम केला.या माध्यमातून प्रशासनाचे अधिकारी गाव स्तरावरील समस्या गावातच सोडवण्याचा प्रयत्न करीत आहेत त्यांच्या या मुक्कामामुळे गावाच्या विकासाला चालना  मिळत असल्यामुळे चला खेड्यात मुक्कामाला ही एक चळवळ व्हावी या आशेने आपण कोसारा नंतर पारध मुक्कामाला निवडला आहे . 
=======================================================================